Segmenti rrugor në zonën Arrat e Gurrës, në fshatin Dragostunjë të Librazhdit, nuk do të hapet sot për qarkullim, siç ishte parashikuar.
Pas ndërhyrjes me by-pass dhe hapjes së një rruge dytësore për kalim provizor, situata ka ndryshuar për shkak të problemeve në terren.
Rruga dytësore ka pësuar fundosje dhe rrëshqitje toke, duke dëmtuar punimet e kryera dhe duke e bërë segmentin të pakalueshëm.
Si pasojë, për arsye sigurie janë tërhequr mjetet e firmës zbatuese dhe është ndaluar lëvizja e mjeteve dhe këmbësorëve në këtë pjesë.
Strukturat shtetërore pritet të kryejnë një rivlerësim urgjent gjeologjik dhe teknik, pasi zona paraqitet e paqëndrueshme dhe e vështirë për ndërhyrje.
Njoftimi zyrtar:
Segmenti rrugor në zonën e Arrat e Gurrës, fshati Dragostunjë, Librazhd, i cili pritej të hapej mesditën e sotme pas ndërhyrjes me by-pass dhe aktivizimit të një rruge dytësore, ka pësuar një zhvillim të ri.
Rruga dytësore e hapur për kalim provizor ka pësuar fundosje dhe rrëshqitje toke, duke dëmtuar punimet e kryera dhe duke e bërë segmentin aktualisht të pakalueshëm.
Për arsye sigurie janë tërhequr mjetet e firmës zbatuese dhe është ndaluar qarkullimi i mjeteve dhe këmbësorëve.
Strukturat shtetërore do të kryejnë një rivlerësim urgjent gjeologjik dhe teknik, pasi terreni paraqitet i paqëndrueshëm dhe sfidues për ndërhyrje.
Ftojmë qytetarët të ndjekin vetëm njoftimet zyrtare të autoriteteve për çdo përditësim mbi situatën.
#mbrojtjacivile #AKMC #civilprotection
