Kryeministri Rama di të kërkojë edhe ndjesë. Pas thirrjes së djeshme ndaj policisë, për tu angazhuar pas orarit të punës në funksion të mbledhjes së votave të PS-së, deklaratë që shkaktoi polemika, ai ka tërhequr sot thirrjen, nëpërmjet një statusi në FB, ku shkruan:
“Ndjesë për zhurmën e krijuar nga thirrja ime për punonjësit e Policisë! S’ishte aspak qëllimi im çka thonë keqdashësit,por gabimi mbetet imi”.
Apeli i Ramës erdhi dje nga Berati, gjatë një takimi elektoral ku ndër të tjera tha: “U bëj thirrje të gjithë punonjësve të Policisë së Shtetit, në momentin që lënë uniformën, pas punës të përkushtohen për të marrë sa më shumë vota për PS-në, në mënyrë që të mos lejojmë rikthimin e hijes së turpit mbi uniformën e tyre dhe së bashku në 4 vitet e ardhshme ta bëjmë policinë në mesataren e BE-së”
I menjëhershëm ishte reagimi i LSI-së, e cila me anë të një deklaratë për mediet dënoi ashpër qëndrimin e Kryeministrit.
