Deputetja Rudina Hajdari ka akuzuar sot Ramën se po dhunon shqiptarët me gjuhën e tij ofenduese. Sa i takon mbështetjes së ndërkombëtarëve, deputetja tha se Rama po e humb atë, ndërsa shtoi se kryeministri po e përdor parlamentin për t’i hedhur benzinë zjarrit.
Duke iu referuar përgjimeve të Bild, Hajdari tha se Rama e mori përgjigjen e tij nga Këshilli i Evropës, i cili nuk çeli negociatat për vendin.
Duke shfaqur shqetësimin e saj, për përplasjet në KZAZ, deputetja tha se duhet me çdo lloj kushti ta evitojmë këtë situatë.
“Është vërtetë një situata e cila duhet të ishte evituar më përpara, por ja ku erdhëm sot për shkak të politikës shqiptare. Kemi disa parti, disa individë që luftojnë njëri-tjetrin dhe në asnjë mënyrë nuk duan të shmangin dhunën.
Dhuna fillon aty ku mbaron arsyeja, ku mbaron politika, por ajo ka disa forma. Nëse do flasim për dhunë, kemi një dhunë të jashtëzakonshme që po ndodh si nga individë jashtë por edhe brenda, që në këtë rast është km që përdor një gjuhë ofenduese, arrogante për shqiptarët dhe deputetët e këtij parlamenti. Sot s’jemi në gjendje ti japim shqiptarëve një zgjidhje të krizës dhe pritet të kemi konflikte të tjera. Jemi përballë një realiteti që duhet të ishte evituar me kohë, që vjen nga politika. Kryeministri sot erdhi dhe tha që është i mbrojtur nga komuniteti i ndërkombëtarëve dhe opozita nuk është e mbrojtur, në fakt kryeministri po e humb mbështetjen e tij, ai po e përdor këtë parlament për t’i hedhur benzinë zjarrit, për të bërë shantazh.
Ai thotë se ka mbështetjen e ndërkombëtarëve po është ai që mori përgjigjen nga KE për moshapjen e negociatave. Arsyeja është për shkak të situatës, për shkak të përgjimeve që dolën nga gazeta gjermane. Këto përgjime takojnë t’i hetojë prokuroria por ai ndodhet në një kolaps dhe ka humbur besimin, këto lloj hetimesh mund të mos gjejnë përgjigje. Këto dosje janë në kufi të hetimit të tyre. Jemi para mbylljes së këtyre dosjeve të nxehta sepse në këto dosje të nxehta ka pushtetarë me emër”, tha deputetja./ Tirana Today
