Kryetari i Partisë Demokratike, Lulzim Basha zhvilloi një takim me kryeministrin Rama në Pallatin e Kongreseve. Arsyet e takimit ishin të pritshme pas marrëveshjes së 18 majit. Kreu i PD-së sot duhet i dorëzoi listën e ministrave teknikë kryeministrit Edi Rama për t’i dhënë edhe ai pëlqimin e tij.
Gjashtë ministrat teknikë do të drejtojnë vendin përmes një qasje apolitike përgjatë fushatës elektorale, ditën e zgjedhjeve dhe deri në formimin e qeverisë së re. Kjo ka si synim garantimin e një procesi zgjedhor sa më të ndershëm dhe për të shmangur akuzat postzgjedhore lidhur me manipulimin e zgjedhjeve.
Ministrat teknikë do të kalojë pasditen e së hënës në Kuvend për t’u miratuar.
Gjithashtu, me herët kreu i Kuvendit në detyrë, Ilir Meta ka njoftuar mbledhjen e nesërme të sesionit të jashtëzakonshëm për të miratuar çështjet që rrjedhin nga marrëveshja Rama-Basha. Në rendin e ditës së këtij sesioni do të jenë të parashtruara votimi i dekreteve të Presidentit për lirimin dhe emërimin e zëvendëskryeministrit dhe të 6 ministrave; shqyrtimin dhe miratimin e paketës ligjore që ka lidhje me reformën zgjedhore; miratimin e anëtarëve të pakicës parlamentare në 3 komisionet ad-hoc të Vettingut, caktimin e zëvendësuesve dhe zgjedhjen e kryetarit dhe një anëtari të KQZ-së.
