Zyra e kryeministrit ka përcjellë një reagim për goditjen me grusht ndaj Sali Berishës në protestën e opozitës. Në një reagim për mediat, zyra e kryeministrit njofton se Rama dënon aktin e dhunës, duke e konsideruar të patolerueshëm. Ky reagim mbyllet me mesazhin se dhuna s’ka qenë, s’është e s’do jetë kurrë një mjet për të adresuar çfarëdo çështje apo shqetësimi dhe kushdo e përdor këtë mjet duhet të përballet me të gjithë forcën e ligjit.
“Kryeministri i Shqipërisë Edi Rama dënon pa asnjë ekuivok aktin e pajustifikueshëm e të patolerueshëm të dhunës mbi organizatorin dhe udhëheqësin e protestës së sotme!
Dhuna s’ka qenë, s’është e s’do jetë kurrë një mjet për të adresuar çfarëdo çështje apo shqetësimi dhe kushdo e përdor këtë mjet duhet të përballet me të gjithë forcën e ligjit”, thuhet në reagimin e kryeministrit të Shqipërisë.
