Kryeministri Rama ka njoftuar se në orën 13:00 do të jetë ‘live’, ku do t’iu japë përgjigje të gjitha pyetjeve dhe shqetësimeve të qytetarëve, në lidhje me paketën e zgjeruar të ndihmës ekonomike.
Statusi
NË 13.00 DREJTËPËRDREJTË ME JU PËR PAKETËN E ZGJERUAR, PËR T’IU PËRGJIGJUR TË GJITHA PYETJEVE TUAJA?
Shkruani më poshtë dhe do t’ju përgjigjem live një për një pas një ore!
Një ditë më parë, kreu i qeverisë prezantoi paketën e dytë ekonomike. Kryeministri bëri me dije se do jenë 176 mijë qytetarë që do ndihmohen, duke marrë nga 400 USD secili. Ai bëri me dije se shumë shpejt do të prezantohet dhe një paketë e tretë, që do ndihmojë mijëra qytetarë.
Rama njoftoi se nga paketa e zgjeruar e mbështetjes, do ketë përfitime edhe për individët e punësuar në biznesin e vogël, por që për shkak të koronavirusit kanë bllokuar aktivitetin.
Kryeministri Rama kritikoi opozitën, dhe i bëri një ftesë Bashës, për të bashkëpunuar me të.
