Ish-lideri i Partisë Socialiste, Fatos Nano i ka qëndruar larg politikës që pas humbjes së zgjedhjeve parlamentare të vitit 2005. Që nga ajo kohë Nano është shfaqur në media vetëm kur kanë qenë kandidaturat për President duke shprehur hapur ambicien për këtë post. Nano ka dalë disa herë në media duke paralajmëruar krijimin e një partie të re por sërish është tërhequr. Pasardhësi i Nanos brenda PS-së Edi Rama është njëkohësisht dhe kundërshtari i tij brenda asaj partie. Deri tani kryeministri Edi Rama ka mundur që të mbaj të heshtur Fatos Nanon. Edhe kur ai ka dalë në media dhe ka deklaruar hapur krijimin e një partie të re është parë se ishte vetëm një “flluskë sapuni”. Të gjithë tani pyesin si ka mundur Rama që të blejë heshtjen e Fatos Nanos?
Në portalin “City News” se Kryeministri Edi Rama ka përdorur kartën e dhënies së sipërfaqeve të tëra toke dhe dhënien e lejeve të ndërtimit për të “blerë” heshtjen e Fatos Nanos. Pra, më qartë, takimi Nano –Rama, s’ ka qenë gjë tjetër veçse një pazar për leje ndërtimi dhe toka të blera nga Nano për një rezidencë që ai do të ndërtonte.
Risjellim në vëmendje takimin Nano –Rama, të datës 10 qershor 2015, në zonën e vilave qeveritare në Durrës, pikërisht 15 ditë përpara se të mbaheshin zgjedhjet e përgjithshme.
I pyetur në atë kohë nga mediat, Nano nuk ka dhënë detaje por është shprehur se e “nuk bëhet fjalë për çështje timoni, por destinacioni”.
Ai gjithashtu përdori edhe shprehjen e kryeministrit Rama “nuk keni parë gjë akoma”. Dhe realisht takimi kishte qenë për çështje destinacioni.
Pas zgjedhjeve Fatos Nanos, konkretisht bashkëshortes së tij Xhoana Nanos, i është dhe një leje ndërtimi për ngritjen e një rezidence banimi me pesë struktura tre kat me 1 kat parkimi nëntokë dhe mur rrethues.
Leja ndërtimit për “Joy Travel”, të cilën e zotëron Xhoana Nano, bashkëshortja e ish Kryeministrit Fatos Nano, është dhënë pak javë më parë nga Kryetari i Bashkisë Erion Veliaj.
Kjo leje, është miratuar me anë të vendimit të Kryetarit të Bashkisë me numër E 22 15 46/, dt 19.09.2017, ku ndërtues është kompania “Joy Travel” me numër licencimi NZ 7536 në pronësi të bashkëshortes së ish Kryeministrit Fatos Nano.Në ekstraktin zyrtarë të QKB –së, vërehet se 100% e aksioneve të kompanisë “Joy Travel” zotërohen nga Xhoana Nano, bashkëshortja e ish Kryeministrit Fatos Nano.
Kjo shoqëri aksionare me numrin K11308002J rezulton e regjistruar me datë 05/01/2001/.Ndërkohë një detaj i pazakontë është konstatuar në terren, pikërisht në vendin ku po ndërtohet ‘Joy Rezidencë”.
Nga një vëzhgim i thjeshtë duke pyetur banorët e zonës, ata thonë se çmimi për sipërfaqen e truallit të ndërtimit e kanë dhënë gati sa dyfishi apo trefishi i çmimit të tregut, pasi në zonën në fjalë çmimet variojnë nga 55 deri në 80 euro, ndërkohë që shumica e tyre thonë, se kanë shitur me 140 euro metrin katrorë truallit.
Vallë vetëm kaq ka kushtuar heshtja e Fatos Nanos dhe blerja e tij prej Edi Ramës apo ka edhe të tjera?