Gjatë fjalës së marrë në Kuvend, kryeministri Rama i ka kujtuar Sali Berishës shpalljen “non grata”, ndërsa i tha se historisë nuk i shpëton dot. Kryeministri i tha Berishës se është i padëshiruar për SHBA-në.
“Ju e furnizuat Millosheviçin. Je i padëshirueshëm, “non grata”. Ik tani, mbaroi historia jote. Dil nga ana tjetër dhe bëje çorapin çorap. Të vjen historia përpara dhe thotë prit se “ti mendon se je për i fortë por historia është më e fortë se kurrë”. Ja ku të vjen historia edhe me raportin e Dick Marty-t. Si nisi kjo punë? Nga Kremlini! Si vazhdoi? Ju na e paskeni votuar. I padëshirueshëm për kë? Për Sllobodanin? Jo për SHBA-të”.
Ndërsa ish-kryeministri Berisha i tha se është hajdur ikonash në Paris. “Kur ky shiste ikona të vjedhura në Paris, Kosova mbulohej me gjak”, ka deklaruar Berisha duke iu drejtuar Ramës, i cili hodhi akuza të ashpra ndaj tij dhe opozitës.
