Kryeministri Edi Rama ka zbuluar se javën që vjen do të hapet tenderi për aeroportin e Vlorës. Gjatë fjalës së tij në Asamblenë e Dhomës së Industrialistëve të Detit në Romë, Rama tha se disa grupe italiane kanë treguar interes në këtë vazhdimësi të përbashkët.
Kreu i qeverisë shtoi se ka firmosur edhe një marrëveshje me kompaninë MSC, për të ndërtuar terminalin e parë modern për kroçerat.
“Kemi firmosur një marrëveshje me kompaninë MSC , për të ndërtuar terminalin e parë modern për kroçerat dhe shpresojmë mirë që me ‘Costa Crociere’ të ecim përpara në mënyrë që të mbulojmë Durrësin, ashtu si Vlorën me dy terminalë mjaft modernë, të konceptuar përherë. Nga java tjetër do të hapim një tender për Aeroportin e Vlorës dhe më vjen mirë që shumë grupe italiane kanë shprehur interes në këtë vazhdimësi të përbashkët”, tha Rama.
