Kryeministri Edi Rama ka deklaruar se do të krijohet Komisioni i Menaxhimit të Fondeve për ndihmat e mbledhura për banorët e prekur nga tërmeti.
Në një lidhje direkte nga Durrësi për emisionin ‘Real Story’, kreu i qeverisë tha se kryetar i këtij komisioni do jetë Arben Ahmetaj. Sipas tij, Ahmetaj ka eksperiencë në menaxhimin e financave.
Rama shtoi se ky komitet do të ketë në dorë menaxhimin e ndihmave dhe koordinimin e tyre.
“Ky komitet do të vendos se ku do shpërndahen fondet. Do të merret me rindërtimin e banesave, do të merret me organizimin e donatorëve”, u shpreh kreu i qeverisë.
