Kryeministri Edi Rama mbrëmjen e sotme ishte i ftuar në “Opinion” në “TV Klan” prej ku bëri një njoftim të rëndësishëm.
Ai deklaroi se brenda nëntorit do të shpallë para shqiptarëve një plan të posaçëm për të gjithë personat me precedentë kriminalë: “Brenda nëntorit do shpall para shqiptarëve një plan të posaçëm për të gjithë personat me precedentë kriminalë apo të skeduar si persona të përfshirë në akt kriminal, të cilëve do t’u rezervojmë një trajtim shumë të veçantë. Polica e Shtetit sot i ka fituar të gjitha ato hapësira në terren. Policia e Shtetit tani s’krahasohet me Policinë e Shtetit të dikurshme. Është vendosur baza tani për të bërë këtë ofensivë të re në raport me këtë kategori njerëzish, siç nuk ua pret mendja. Nëse shohim të dhënat e krimit në Shqipëri, nuk ka krahasim. Peshku qelbet nga koka, por kjo qeveri sot është në det, në lundrim”.
Në vijim, Rama pohoi se në krahasim me kryeministrat e tjerë është i pari që respekton semaforët: “Jam i pari kryeministër pas ‘90-ës që respektoj semaforët dhe lëviz pa sirena. Lëviz si gjithë të tjerët”.
