Pas vizitës në Itali, kryeministri Rama rikthehet në vend me një mbledhje të menjëhershme. Ai pritet të mbledhë sot në selinë rozë drejtuesit e rajonit të Veriut. Në fokus të diskutimeve do të jetë emërimi i drejtorëve të rinj në Shkodër, por edhe çështja e shkrirjes së strukturës së PS-së në këtë qytet.
Një ditë më parë, deputeti socialist Arben Pëllumbi deklaroi pas mbledhjes me tone të ashpra, se me vendim të Kryesisë të PS-së është shkrirë struktura drejtuese e PS në Shkodër.
Sa i përket mos largimit të Voltana Ademit nga Bashkia, ai u shpreh se vetëm kreu i Shtetit, Ilir Meta, mund të zgjidhë ngërçin e krijuar në Bashkinë e Shkodrës. Në lidhje me ngërçin për emërimet e drejtorëve në Shkodër, ai shpreh se kanë ngritur një grup qytetarësh të spikatur. Të cilët janë duke bërë propozimet e tyre për emra që ata mendojnë se mund të jenë përfaqësuesit më të mirë, për të drejtuar institucionet.
