Kryeministri Edi Rama, deklaroi hapur ditën e sotme se do të donte të bashkëpunonte me krydemokratin Lulzim Basha pas zgjedhjeve të 25 prillit, me kusht që ai të ndahej nga Presidenti Ilir Meta dhe ish-kryeministri Sali Berisha.
I ftuar në emisionin ”Opinion”, analisti Baton Haxhiu e ka cilësuar si të sinqertë deklaratën e kryeministrit Rama.
Haxhiu tha se disa herë ka biseduar vetë personalisht me kreun e qeverisë, ndaj edhe e shqyrton deklaratën si të sinqertë.
Baton Haxhiu: ”Mendoj që do të ishte gjëja më e mirë. E para është gjëja më e mirë për Shqipërinë. Opozita krijohet. Për herë të parë Shqipërisë i duhet stabiliteti, për hapjen e negociatave, zgjedhjet e reja lokale. Unë besoj që Edi Rama e mendon këtë, për arsye që është i sigurtë në rezultatet e 25-ës.
Që të jem i sinqertë, personalisht e kam biseduar disa herë me Edi Ramën dhe e di që e ka të sinqertë, se është politikan i përmbushur dhe për herë të parë Partinë Socialiste dhe veten i do tërësisht në funksion të asaj.”
