Kryeministri Edi Rama ka reaguar ndaj kryetarit të Partisë Demokratike, Lulzim Basha pasi ky i fundit publikoi një video ku kreu i qeverisë sillej ashpër me gazetaret.
Krahas videos, Basha shkruante: ”Imagjinoni sikur kjo të ishte vajza juaj.”
Ndërkohë, Rama u shpreh se Basha shpif dhe se duhet t’i ruajë vazjat e shqiptarëve nga ish-kryeministri Sali Berisha dhe Presidenti Ilir Meta, pasi ata lemerisin dynjanë kur hapin gojën.
”Lulëzim ofendimi, shpifja, harbutëria nuk ka gjini, është e pajustifikueshme pavarësht nga gjinia e autorit!Kurse ti king vajzat e shqiptarëve ruaji nga Saliu, Likja e tërë harbutët e tu që lemerisin dynjanë kur hapin gojën dhe lëri montazhet prej skuthi!’’, shkruan Rama në rrjetin social, Twitter.
Lulëzim ofendimi, shpifja, harbutëria nuk ka gjini, është e pajustifikueshme pavarësht nga gjinia e autorit!Kurse ti king vajzat e shqiptarëve ruaji nga Saliu, Likja e tërë harbutët e tu që lemerisin dynjanë kur hapin gojën dhe lëri montazhet prej skuthi!https://t.co/dFwAo2Yr23
— Edi Rama (@ediramaal) March 16, 2021
