Gazetari investigativ Artan Hoxha, ka ndarë me ndjekësit e tij përmes profilit në Facebook, një bisedë që ka kryer me 25-vjeçaren, të cilën po e “shqyejnë”. Ajo ndjehet pa përkrahje, e ndërsa ajo çfarë e vret me shumë, është se nuk po gjen një zgjidhje.
Me një shkrim të shpenguar, Hoxha sjell në fokus bisedën me Xhisielën, e cila kërkon drejtësi për atë çfarë ka ndodhur, e mbi të gjitha qetësi për familjen e saj.
Gazetari nënvizon se vuajtja e vajzës nuk llogaritet, por klasa politike do ti vendosë një damkë, duke e lidhur me ngjyrimet partiake. I keqardhur për këtë ngjarje, ai shkruan ndër të tjera se teksa Shqipëria zien prej katër ditësh, se “qeveria mbron djalin dhunues të deputetit socialist”, opozita ulërin për revolucion dhe përmbysje me dhunë. Këtë ai e cilëson si një komedi të turpshme politike, ndërtuar mbi një tragjedi personale.
