Rafi Stepanian, njeriu që jeton me stolitë e çmuara që gjen rrugëve të Nju Jorkut

Për shumicën e banorëve të Nju Jorkut, trotuaret janë thjesht vendkalime për të shkuar diku. Por për Rafi Stepanian, ato janë një minierë e vërtetë.

Prej disa vitesh, puna e tij e vetme është kërkimi i arit, diamanteve dhe stolive të tjera të çmuara në rrugët e qytetit. Ai pretendon se fiton mesatarisht nga kjo punë e pazakontë rreth 800 dollarë në javë, ose rreth 3000 dollarë në muaj.

Stepanian, thotë se njerëzit nxitojnë gjithmonë për diku, ndaj rrugës u bien pa e kuptuar sende të vogla. Ai e nis zakonisht punën rreth orës 19:30 të pasdites, kur nisin të mbyllen shumica e bizneseve. Në atë kohë, trafiku i këmbësorëve zvogëlohet. Dhe kjo e ndihmon Rrafin të punojë pa shumë ndërprerje.

Stepanian ka punuar për 26 vjet në industrinë e argjendarisë. Kjo përbën një avantazh të padiskutueshëm për të, në identifikimin e gurëve të çmuar, që gjen në të çarat e trotuareve. Ai fokusohet veçanërisht në trotuaret e rrugëve, ku gjenden shumica e argjendarive në Nju Jork.

Shumë njerëz, thonë se paratë që fiton Stepanian, nuk mjaftojnë, për të pasur një jetë komode. Por Rafi thotë se kjo punë i jep kënaqësi, dhe do ta vazhdojë atë./ TIRANA TODAY