Ministria për Evropën dhe Punët e Jashtme njofton se shërbimet e ambasadës shqiptare në Athinë, ofrohen pa ndërprerje nga ora 08:00 deri në orën 20:00.
“Gjithkush duhet të respektojë rigorozisht orarin e lënë me konsullin për asistencën e kërkuar, për të garantuar shpejtësi, cilësi dhe siguri në marrjen e shërbimit, për veten dhe të tjerët”, shkruan MEPJ në Facebook.
Nga ana tjetër, ambasada shqiptare në Athinë thotë se shërbimet vazhdojnë edhe pas orës 19:00.
“Ora 19:23 dhe Ambasada vijon të ofrojë shërbime konsullore pranë zyrës konsullore, duke ofruar rreth 350 aplikime deri më tani, kryesisht aplikime për pajisje me Pasaportë dhe Kartë ID.
Lutemi të keni parasysh që Ambasada do të filloje të ofrojë shërbime pa ndërprerje nga ora 08:00 deri në orën 20:00.
Kërkojmë mirëkuptimin e qytetarëve që, nga e hëna dt. 03.08.2020, të respektojnë oraret e caktuara për takim, për të evituar radhë të gjata dhe garantuar shpejtësi dhe cilësi në shërbim”, shkruan ambasada.
