Ministri i Brendshëm, Sandër Lleshaj, ka zhvilluar paraditen e sotme një interpelancë me qytetarët, për gabimet dhe problemet që ata hasin kur i drejtohen Gjendjes Civile. Ai tha se gjatë 30 viteve të fundit, janë bërë shumë gabime të karakterit drejtëshkrimor, por shtoi se ky problem do të zgjidhet nga nëpunësi i Gjendjes Civile.
Sipas tij, tashmë kjo problematikë i kalon shtetit. Saktësimi i të dhënave është saktësuar brenda një dite, dhe se vonesa shkon deri në shtatë ditë.
“Dua të them se një ndër objektivat e qeverisë, lidhet me lehtësimin e shërbimeve të qytetarëve. Në rastin konkret, janë shërbimet në Gjendjen Civile. Qytetarët nuk do të jenë të detyruar më të bredhin nëpër zyra për të kërkuar rregullimin e gabimeve, pasi këto do t’i bëjë vetë zyra e Gjendjes Civile.
Ajo që ju thashë në fillim është kjo: detyrimi i qytetarëve për të kërkuar saktësinë e emrave, nuk do të ekzistojë më. Kjo barrë i kalon shtetit, pra Gjendjes Civile dhe duhet t’i japë përgjigje qytetarit.
Saktësimi i këtyre të dhënave është saktësuar brenda një dite, vonesa shkon deri në shtatë ditë kur dokumenti vjen lart. Gabimet janë transkriptuar nga Gjendja Civile. Këtu nuk ka hapësirë për ndryshime substanciale të emrave. Kjo bëhet për saktësime të karakterit drejtëshkrimor”, tha Lleshaj.
