Kryeministri Edi Rama ndodhet prej ditës së djeshme në qytetin e Beratit, ku ka zhvendosur mbledhjen e qeverisë këtë fundjavë. Ai sot ka postuar një përshëndetje për ndjekesit me një video nga ndryshimet që ka pësuar ky qytet.
“MIRËMËNGJES ? dhe me këto pamje të Beratit të rilindur, ju uroj një fundjavë të qetë ?”, shkruan Rama.
Teksa në një postim të mëparshëm, kryeministri Rama ka zgjedhur të replikoje me komentuesit, pasi ky postim i Ramës ka ndezur kritika:
“Në qarkun e Beratit me 250 studentët e Universitetit Bujqësor që na janë bashkuar për të çuar në çdo fermë e sipërmarrje bujqësore e blegtorale, informacionin e plotë mbi programin e ri të mbështetjes financiare të qeverisë për prodhimin e agropërpunimin. Ata sot kanë qenë qysh në mëngjes në tokat, serat, magazinat bujqësore e bizneset e përpunimit të produkteve të fshatit në këtë qark dhe nesër e deri në afatin e mbylljes së aplikimeve, do tëvazhdojnë të jenë pranë fermerëve”.
