Kryeministri Edi Rama gjatë një konference për media, i ka quajtur protestuesit e djeshme vandalë pasi sipas tij ishte me hunj dhe benzinë me vete.
“Ata nuk janë qytetarë. Qytetarët nuk shkojnë më benzinë në protestë. Nuk shkojnë me hunj. Janë vandalë. S’ka shans që rruga të mirë mbahet pa pagesë. Ata që bënë ato gjëra dje do të flasin para gjykatës dhe autoriteteve. Nuk kanë punë me mua. Për ata ka vetëm një emër, vandalë. Protesta e djeshme nuk përfaqëson qytetarët e Kukësit”,- u shpreh Rama.
Por i menjëhershëm ka qenë reagimi i një prej gazetarëve, e cila i kujton Ramës , 21 janarin, protestën e organizuar nga opozita në atë kohë (PS), ku nuk ishin të pakta trazirat.
DEBATI:
Gazetarja e “Top Channel”: Kur flisni për hunj, benzinë vandalë, të njëjtën gjë keni bërë edhe ju kur ishit në opozitë para kryeministrisë. A janë vandalë protestuesit e 21 janarit?
Rama: Është debat i vjetër edhe është e ndarë kjo punë. Kam një tjetër opinion. Protestuesit atë ditë nuk kanë ardhur për të bërë asnjë dhunë, përkundrazi janë sulmuar nga policët. Ishte dhuna që u ushtrua ndaj tyre. Unë me Pandeli Majkon jemi kthyer se na erdhi gazi lotsjellës dhe uji që dilte nga makinat. Mos bëjmë krahasime pa lidhje se nuk kanë lidhje.
