Tashmë është zbardhur ngjarja e një nate më parë në Shkodër, ku një 49-vjeçar qëlloi me armë zjarri në drejtim të një grupi fëmijësh të moshave 13-15 vjeç. Mësohet se 49-vjeçari i identifikuar si Agron Mahmuti (Mehmeti), pas një konflikti për motive të dobëta ka goditur me qytën e pistoletës një të mitur 13-vjeçar.
Djali i tij, dy ditë më parë ka pasur një konflikt me fëmijët që ishin në lulishte, ndaj të cilëve hapi zjarr 49-vjeçari bëjnë me dije burime “Report Tv”.
Agron Mahmuti ka shkruar që të sqarohet dhe ka qëlluar me qytën e pistoletës një nga fëmijët, e më pas ka hapur zjarr ndaj tyre. Fatmirësisht nuk pati të lënduar.
Plumbi ka përfunduar në pjesën e pasme të një kondicioneri në një lokal në afërsi. Menjëherë pas ngjarjes është larguar me biçikletë.
