Pak ditë më parë, Inspektorati Kombëtar i Mbrojtjes së Territorit hodhi në tokë lokalin “Panorma” në Porto Palermo të Himarës, në pronësi të Mihal Kokëdhimës, i cili u arrestua pasi sulmoi turistët nga Spanja.
Objekti ishte ndërtuar në një territor prej rreth 2 mijë metrash katrorë, sipas IKMT-së pa leje, e megjithatë familja Kokëdhima e shfrytëzonte kundrejt pagesës edhe vendin përpara objektit për plazh.
Fotot në fjalë tregojnë pamjen ku ndodhej ish-restoranti i Mihal Kokëdhimës.
Tashmë zona është e pastër, dhe njerëzit mund të bëjnë plazh të pashqetësuar.
Dhunimi që Mihal Kokëdhima u bëri turistëve spanjollë, bëri të mundur që organet shtetërore të bënin kontrollet përkatëse mbi restorantin, ku rezultoi që ishte ndërtim pa leje, dhe se Mihal Kokëdhima nuk i paguante taksat.
