Ministri i Rindërtimit, Arben Ahmetaj ka deklaruar se qeveria ka marrë katër vendime për procesin e rindërtimit.
Përmes një deklarate për mediat, Ahmetaj bën me dije se ka filluar programi i granteve apo pagesave direkte për banesat apo pallatet e dëmtuara nga tërmeti i 26 nëntorit.
Sipas tij, nga këto përfitojnë 27 pallate dhe 1,174 banesa të dëmtuara në nivelin DS1, DS2, DS3. Ahmetaj theksoi se qeveria ka miratuar 513 milionë lekë për bashkinë e Shijakut për vitin 2020.
“Kaluam 4 vendime për Rindërtimin. Arritje të qenësishme në 5 muaj për qytetarët në zonat e dëmtuara që na kalojnë në stadin.
Ne fillojmë sot zyrtarisht programin e granteve për Shijakun. Pagesa direkte për familjet, për banesat e dëmtuara të shkallës DS1, DS2, DS3.
Punimet e të cilave qytetarët mund t’i bëjnë vetë apo dhe me bashkitë dhe qeveria i subvencionon në bazë të aktit normativ. Siç e mbani mend në shkurt aplikuan tek ”Shtëpia Ime” familjet e dëmtuara. Bashkitë janë treguar të kujdesshme dhe kanë zgjedhur fituesit ndërsa listat vendosen në këshillin bashkiak. Shijaku e ka përfunduar me sukses këtë. Ndërkohë presim nga Tirana, Durrësi, Kavaja dhe Kurbini të përfundojnë procesin e vlerësimit. Në Bashkinë e 1174 banesa individuale dhe 27 banesa kolektive pra pallate që përfitojnë nga grantet.
Qeveria ka miratuar 513 milionë lekë i cili i kushtohet bashkisë Shijak për vitin 2020. Maksimumi nga mëngjesi i së premtes fillon firmosja e pagesave. Qytetarët dhe familjet përfituese përfitojnë sipas kërkesës në llogaritë e tyre. Jemi në një diskutim me donatorët për të marrë pjesë në programet e rindërtimit, pra grantet. Sepse donatorët janë në programet e rindërtimit të shkollave, infrastrukturën komunitare apo komplekset urbane në Durrës apo Laç.
Në ditët në vijim presim finalizim dhe në Kurbin. Të gjitha Bashkitë e tjera të shpejtojnë procesin e vlerësimit. 70 milionë dollarë do të jepen në vazhdimësi me
Shpalljen e zonës së re për zhvillimin e Durrësit, tek parku arkeologjik, si njësi zbatuese. është vendim i rëndësishëm. është ndihmë dhe nga 150 milionë euro nga BE, 50 milionë do jenë brenda 2 muajsh në proces negocimi për gjithë zonën e dëmtuar në ato pika ku kemi objekte të trashëgimisë kulturore, 65 milionë euro në shkolla, 50 milionë euro në trashëgimi kulturore. Këtu përfshihet parku i Durrësit, kalaja e Durrësit”, tha ai.
