Partia shqiptare BDI e Ali Ahmetit duket se do të vendosë për fatin e qeverisë së re në Maqedoninë e Veriut.
Bisedimet priten të nisin të martën, ndërsa mundësinë më të madhe për të krijuar qeverinë e re e ka Zoran Zaev. Partia e tij fitoi 46 nga 120 vende, vetëm dy më shumë se VMRO DPMNE, e cila fitoi 44.
BDI duket se është në udhëkryq për të shqyrtuar ofertat që po merr nga dy partitë më të mëdha maqedonase. Social Demokratët e kërkojnë koalicionin me partinë shqiptare, pasi së bashku ato do të arrinin një shumicë prej 61 vendesh në parlament.
Në anën tjetër, VMRO DPMNE synon të sigurojë jo vetëm mbështetjen e BDI-së por edhe të një partie tjetër.
