Presidenti i Francës, Emmanuel Macron është shprehur se fëmijët duhet të kthehen sa më shpejt në ambientet e shkollës.
Gjatë fjalës së tij nga një shkollë në Poissy në periferi të Parisit, Macron tha se hapja e këtyre institucioneve do të fillojë nga java e ardhshme.
“Ne duhet t’i sjellim fëmijët përsëri në shkollë në mënyrë progresive, edhe në grupe më të vogla se normalja. Progresivisht javën e ardhshme do të rihapim shkollat”, tha ai.
Macron theksoi se hapja e shkollave do të fillojë nga 11 maji, datë kur është planifikuar edhe rihapja e vendit. Sipas presidentit francez, është traumatizuese që një fëmijë të qëndrojë 2 muaj në shtëpi.
“E qartë, brenda shkollave, klasat do të jenë më të vogla dhe vendet do të zvogëlohen, për të respektuar, ndër të tjera, distancat e sigurisë dhe kohërat nuk do të jenë të njëjta por qëllimi im është që të gjithë fëmijët të kthehen në shkollë. Që një fëmijë të qëndrojë 2 muaj në shtëpi është traumatizuese”, shtoi ai.
