“Qëndresa jonë do të vijojë deri në fitore”. Kështu u shpreh kryedemokrati Basha para protestuesve, ndërsa nënvizoi edhe një herë tjetër se nuk do të ketë negociata me Ramën.
“Do ketë vetëm një rrugë, dhe rruga është e përcaktuar në manual kushtetute dhe standardesh evropiane. Qeveri tranzitore pa Edi Ramën, reformën kushtetuese për t’ia kthyer shqiptarëve pushtetin dhe votën dhe zgjedhje te lira e të ndershme, e ku sovrani të diktojë me votë dhe të shkarkojë me votë. Vetëm kjo do ti hapë rrugë punësimit, paga dinjitoze për rininë shqiptare, e respekt mirënjohjes dhe përfshirjes së elitës në çdo vendimmarrje.
Unë besoj tek Evropa, ju besoni tek Evropa. Këtë krizë ta mbyllim vetëm përmes zbatimit të standardeve evropiane, Rama ik! Standarde evropiane, zgjedhje të lira e të ndershme na kanë bashkuar këtu. Asnjë hap pas, nga këto vlera evropiane. Këtë e kërkon populli evropian i Shqipërisë, dhe opozita nuk tërhiqet asnjë hap pas. Rama ik! Vëllezër dhe motra, 4 muaj qëndresë ditë e natë. Një javë na ndan nga 30 qershori, varreza kriminale e Rilindjes.
Marshoni me mua drejt Parlamentit, drejtë shtëpisë së lirisë, PD. Ndizini dritat që të shohë bota hapin e ndryshimit”, përfundoi fjalën kreu i PD-së.
