Një sherr me perplasje fizike që kishte ndodhur mes disa personave me herët në Levan, është pasuar me perdorimin e armëve brenda spitalit në Fier. Konflikti ka nisur më herët mes dy grupe të rinjsh, në Levan të Fierit, të cilët janë goditur midis tyre me sende të forta.
Personat e plagosur kanë shkuar në spitalin Rajonal të Fierit për të marrë ndihmën mjekësore nga dëmtimet, por me pas një i ri nga grupi rival, ka shkuar i armatosur dhe ka hapur zjarr në ambientet e Urgjencës së Spitalit.
Sherri fillimisht ka nisur në Levan, për të vazhduar me tej në spitalin e Fierit. Pas konfliktit në Levan, të plagosurit kishin shkuar më pas në Fier për të marrë ndihmë mjekësore. Por, njëri prej të përfshirëve në sherr ka ardhur në spital me armë dhe ka qëlluar, duke plagosur 3 persona.
Në vendngjarje ndodhen Forcat e Ndërhyrjes së Shpejtë, dhe Policia e Fierit. Këta të fundit jane vënë në kërkim të autorëve, duke ngritur pika kontrolli në qytet.
