Policia e Shtetit ka arrestuar një nga autorët e atentatit me armë që ndodhi në Patos. Ngjarje e ndodhur në 24 nëntor në fshatin Ofiçinë e Vjetër, ku u qëllua me armë zjarri në drejtim të një makine tip benz. Fatmirësisht, atentati nuk pati viktima, por vetëm dëme materiale.
Policia kë bërë të ditur se për këtë ngjarje është arrestuar një shtetas i shpallur në kërkim me inicialet T.F, 32 vjeç, i cili është banues në Patos. Ai dyshohet se ka qëlluar me armë ndaj shtetasit S.A., 35 vjeç, po dhe ky banues në Patos.
Tashmë, i arrestuari do të përballet me akuzën e vrasjes me paramendim e mbetur në tentativë.
‘Vendet Islamike’, të dielën konferenca e parë e donatorëve për Shqipërinë
NJOFTIMI
Gjatë mbrëmjes së datës 24 nëntor 2019, në fshatin Ofiçinë e Vjetër, Patos, në drejtim të automjetit tip Benz që drejtohej nga shtetasi S. A, 35 vjeç, banues në Patos Fshat, është gjuajtur me armë zjarri tip pistoletë.
Nga të shtënat nuk ka pasur të dëmtuar, por vetëm dëme materiale.
Policia ka shpallur në kërkim tre autorët e dyshuar të kësaj ngjarjeje, njëri prej të cilëve u kap gjatë mbrëmjes së djeshme, në pikën kufitare Kakavijë.
Specialistët për Hetimin e Krimeve të Rënda në Drejtorinë Vendore të Policisë Fier bënë ndalimin e shtetasit të shpallur në kërkim policor:
- F., 32 vjeç, banues në Patos Fshat.
Materialet i kaluan Prokurorisë pranë Gjykatës së Shkallës së Parë Fier, për veprën penale “Vrasja me paramendim” e kryer në bashkëpunim, e mbetur në tentativë.
