Ish-kryeministri Sali Berisha i ka bërë ftesë Edi Ramës, që të kalojnë ligjin në Parlament për të përjashtuar kryeministrat nga çdo lloj parashkrimi. Berisha ka vendosur që të sfidojë Ramën, duke ia bërë të qartë se është i gatshëm të propozojë vendimin që përjashton kryeministrat nga parashkrimi.
Në një konferencë shtypi nga selia blu, Berisha i kërkoi Ramës që ta votojnë në Parlament këtë ndryshim, që kryeministrat të hetohen në çdo kohë për vepra penale.
“Evropa e koncepton Ballkanin e Hapur, ndaj krimit, ligjeve. Pra, Shqipëria ndodhet në një moment kritik. Kreu i narkoshtetit është i plagosur rëndë. I rrezikshëm. Ai mendon se do t’i japë vendit drejtim tjetër. Mos tento të spostosh në mënyrë absolute, sepse do të përballesh me revoltë të fuqishme popullore. Misioni ynë është një dhe vetëm një: integrimi në BE. Nuk kanë faj vendet e Evropës nëse ai sillet si gangster me gazetarët.
Nuk kanë përgjegjësi vendet e Evropës kur ai mban qëndrime si Kim Jong-un ndaj drejtësisë për të hetuar kundërshtarët e tij. Në je burrë dhe ta mban, hajde të kalojmë ligjin në Parlament të përjashtojmë kryeministrat nga çdo lloj parashkrimi. Urdhëro që nesër të kalojmë ligjin në Parlament, të ndryshojmë Kodin Penal. Të vetmit që të përjashtojmë nga parashkrimi të jenë kryeministrat. Dhe s’duhet parashkruar. Nuk e bën dot këtë se ka frikë dhe tmerr nga firmat e tij për të cilat thotë se nuk di ç’kam firmosur për të mbushur valixhet”, tha Berisha.
