Për shumë vende, është tejet e largët ideja për të bërë pushime verore. Nga ana tjetër e medaljes qëndrojnë disa shtete, të cilat kanë dhënë shenjat se po fillojnë me masat lehtësuese.
Një propozim tejet interesant vjen nga Roma, ku disa arkitektë të kompanisë Obicua, kanë projektuar disa module në alumin dhe bambu, të quajtur “The Cupola”. Arkitektët janë angazhuar për të projektuar module ku të bashkëjetojnë masat e distancimit social, të gërshetuar me shplodhjen e pushimeve.
Në ndryshim me propozime të tjera, të cilat u kritikuan për nxehtësinë që mund të përcillnin te pushuesit, modulet në bambu arrijnë të depërtojnë më mirë ajrin. Duke i dhënë atyre një ndjesi lirie dhe jo kufizimi, që do t’i kujtonte karantinën e kaluar.
Çdo kupolë me diametër 4 metra, parashikohet të ketë një distancë prej 2 metrash nga tjetra, dhe në afërsi do të kenë një dush ose vaska me ujë deti për t’u freskuar.
Struktura e cila mund të çmontohet, do të ndërtohet në pozicion paksa të pjerrët, në mënyrë që të mbetet pamja nga deti.
Në rang global humbur jetën 184.263 qytetarë dhe rezultojnë të infektuar 2.639.025 qytetarë. Vendet më të prekura janë SHBA-ja, Italia, Franca, Spanja dhe Kina. Deri më tani në Shtetet e Bashkuara të Amerikës kanë humbur jetën 47.681 qytetarë dhe rezultojnë të infektuar 849.092 të tjerë.
Situata është më e qetë në Kinë. Në Itali numri i viktimave ka shkuar në 25.085 dhe në Spanjë kanë humbur betejën me COVID-19; 22.157 qytetarë. Ndërkohë në Francë janë shënuar 21.340 viktima.
