Pushime në Greqi, kapiteni i Manchester United përfundon në rajonin e policisë

Mbrojtësi i Manchester United, Harry Maguire, është arrestuar mbrëmë në ishullin grek, Mykonos, pas një sherri.

Maguire, i cili ndodhet me pushime atje, së bashku me dy anglezë të tjerë, janë përfshirë në një debat në një klub. Më pas ata kanë dalë në ambientet jashtë dhe kanë vazhduar sherrin.

Policia ka ndërhyrë për të qetësuar gjakrat dhe akuzat janë se në sherr e sipër, Maguire ka goditur dhe një oficer policie.

Aktualisht, Maguire është i arrestuar në rajonin e policisë, ndërsa Manchester United ka biseduar me autoritetet lokale greke për të zgjidhur sa më parë situatën.