Numri i të infektuarve po njeh rritje. Duket sikur situata nuk po menaxhohet mirë, e pavarësisht thirrjes së instancave të larta, kurba njeh vetëm rritje. Një kopsht publik në zonën e Pallatit me Shigjeta në Tiranë është mbyllur një ditë më parë, pasi një prej punonjësve ka rezultuar pozitiv me koronavirus.
Raportohet se kopshti “Katër Stinët” është mbyllur, pas daljes së rezultatit të punonjësit të saj. Por duket se ka një keqkuptim. Lidhur me këtë fakt ka reaguar edhe kopshti privat me të njëjtin emër në kryeqytet, i cili sqaron qytetarët, për shkak të emrit të njëjtë.
Postimi i kopshtit privat
Ne rast se keni lexuar nje lajm neper disa media online ne lidhje me Kopshtin 4 Stinet, ju informoj sa me poshte:
Lajmi eshte i rreme. Lajmi i sakte i referohet Kopshtit SHTETEROR mbas pallatit me shigjeta ku ka rezultuar nje person prej stafit me Covid19.
Fatkeqesisht ky kopesht shteteror i eshte vene emri “4 Stinet” 5 vite me pare, ndersa ne operojme si kopesht privat me emrin “4 Stinet”, prej 20 vitesh.
Shpresoj t’ju kem sqaruar per kete situate te pakendshme dhe skandaloze per disinformimin e qytetareve.
