Punonjësit e UKT-së të cilët po gërmonin për një kanal afër Drejtorisë së Policisë Tiranë kanë gjetur një granatë të paplasur.
Ujësjellësi i Kanalizimeve Tiranë po punon në rrugën “Vangjush Furxhi” në kryeqytet për të shtruar një tubacion. Teksa punonjësit po gërmonin për hapjen e një kanali, ata kanë gjetur granatën e rrezikshme.
Granata është gjetur afër Drejtorisë së Policisë Tiranë dhe pritet që ekspertët të bëjnë çmontimin e saj.
