Emisioni BOOM ka ndjekur protestën e punonjësve të ARMO-s, përpara ministrisë së Infrastrukturës dhe Energjisë.
Janë më shumë se 30 punonjës të ARMO-s, të cilët me një vendim të formës së prerë duhe të marrin 14 paga. Por kanë kaluar më shumë se 2 vjet dhe këto paga nuk janë marrë.
Ata kërkuan edhe një takim me ministren, takimi i cili u refuzua, me arsyetimin se ministrja nuk ishte e pranishme në zyrë.
“Kemi dy vjet që po sorollatemi për të marrë pagat tona dhe asnjë spo bëhet i gjallë. Deri kur është kjo tallje nuk e dimë”, tha një punonjës.
“Mesazhi për ministren është se ne duam rrogat që kemi marrë nga vendimi i formës së prerë”
“Nëse ministrja nuk na takon, ne të gjithë do shtrihemi këtu dhe ajo të kalojë mbi trupat tanë dhe të hyjë në zyrë“./ oranews.tv
