Kreu i “Partia e Lirisë”, Ilir Meta, ka hedhur akuza mbi kryeministrin Rama për tragjedinë në Himarë, ku humbi jetën 7-vjeçarja. E mitura u përplas për vdekje nga skafi i komistarit Arjan Tase.
Nga Fieri, Meta bëri përgjegjës Ramën për vdekjen e së miturës, pasi nuk ndëshkoi ashtu sikur ligji e parashikon autorin, komisar Arjan Tase me të shkuar kriminale.
“Ai punon çdo ditë kundër shqiptarëve. Kemi pensionet më të ulëta në rajon. Ai kontrollon të gjitha pushtetet në vend. S’ka lënë njeri pa gjobitur.
Sot kërkon të bëjë viktimën, sepse autor i vrasjeve është ai. U jep siguri, dhe nuk i ndëshkon. Po vepron njësoj si me rastin e vrasjes së Klodian Rashës. Rama është përgjegjësi kryesor për falsifikimin për shtyp që u bën ndaj Rashës”, tha Meta per gazetarët.
