Pas, historisë së dhimbshme të Rinës, një tjetër studente mbrëmë në studion e “Opinion”, ka rrëfyer se këtë vit është detyruar që t’i linte studimet sepse duhet të punonte. Familja e saj përbëhet nga 6 persona dhe punojnë vetëm 2 motrat. Ajo tregoi se për të mbajtur familjen punonte nga ora 11 e mëngjesit deri në orën 5 pasdite dhe nga ora 7 pasdite deri në orën 5 të mëngjesi.
Ndërsa një tjetër studente e Fakultetit të Shkencave Sociale tregoi se e kishte lënë shkollën sërish për shkak të kushteve të vështira ekonomike.
“Ishte e pamundur. Lashë vitin shkollor, me vështirësinë më të madhe e bëra kërkesën nga dekani, që u firmos me shumë lehtësi nga vetë ai. Kam punuar 17 orë në ditë që të vazhdoj vitin shkollor sivjet. Jemi 4 veta në familje dhe nuk punon asnjë, përveç meje. Prindërit për momentin nuk janë në punë, vëllai është në shkollë, ndërsa unë jam studente”, rrëfeu studentja.
