Një ngjarje e rëndë raportohet të ketë ndodhur ditën e sotme në Tiranë, teksa një person ka humbur jetën pasi ka rënë në kontakt me rrymën elektrike.
Dy punëtorët e një firme interneti kanë qenë duke shtruar një linjë në Nikël. Në momentin që ata kanë hipur në një shtyllë, për të lidhur kabujt ata kanë rënë në kontakt me rrymën. Për pasojë njëri prej tyre humbi jetën, ndërsa tjetri është transportuar në spital.
Ndërkohë, gjatë rrugës për t’i dërguar ata në spital, fugoni ka përplasur edhe një tjetër person me biçikletë në rrugë, por nuk dihet ende gjendja e tij shëndetësore.
