Ambasada gjermane në Tiranë, ka njoftuar se duke filluar nga dita e nesërme 1 korrik, do të hyjë në fuqi Rregullorja e re e punësimit për Ballkanin Perëndimor, përfshirë edhe Shqipërinë.
Aplikimet për vizë, sipas këtij rregulli do të jepen çdo muaj, ndërsa do të hapet dhe lista me takimet e mundshme e muajit korrik.
Personat që kanë bërë një kërkesë për vizë pune para dates 17.03.2020 do të njoftohen për vazhdimin e procedurave me email.
Njoftimi i ambasadës gjermane në Tiranë
Risi në lidhje me punësimin sipas Rregullores së Ballkanit Perëndimor: Regjistrimi në listen e pritjes për të lënë një takim.
Duke filluar nga 01.01.2021 ka hyrë ne fuqi Rregullorja e re e punësimit për Ballkanin Perëndimor. Deri në datën 31.12.2023 qytetarët shqiptarë do të kenë një qasje të privilegjuar drejt tregut gjerman të punës. Përpunimi i kërkesave për vizë bëhet përsëri i mundur duke filluar nga 20.06.2021, pas heqjes së kufizimeve të udhëtimeve nga covid-19.
Takimet për aplikim për vize sipas këtij rregulli do te jepen veçmas çdo muaj. Në fillim të çdo muaji (duke filluar në korrik) do të hapet lista me takimet e mundshme për muajin pasardhës. Data e hapjes së listës do të ndryshojë nga njëri muaj në tjetrin. Nëse keni interes ndiqni udhëzimet në faqen tone zyrtare ? www.tirana.diplo.de. Informacionet e detajuara do ti gjeni aty.
Personat që kanë bërë një kërkesë për vizë pune para dates 17.03.2020 do të njoftohen për vazhdimin e procedurave me email. Jeni te lutur që deri sa të merret një vendim të mos pyesni në lidhje me statusin e aplikimit.
