Ish-drejtori i Policisë së Vlorës Jaeld Çela është dorëzuar sot në Drejtorinë e Policisë së Tiranës.
“Opinion.al” ka bërë publike videon e dorëzimit të tij, ku ai shfaqet i veshur me kostum sportiv, ndërsa ka vendosur edhe kapele.
Kujtojmë se ish-efektivi i lartë i policisë u hetua nga prokuroria për trafik droge dhe favorizim të grupit kriminal të vëllezërve Habilaj, gjatë viteve 2015-2016, kur ai drejtonte Policinë Vlorë, së bashku me ish-Ministrin e Brendshëm, Saimir Tahiri.
Gjykata për Krimet e Rënda e deklaroi atë të pafajshëm për këto akuza, por e shpalli fajtor për shpërdorim detyre.
Për këtë ai u dënua me 5 vite burg, por që me gjykim të shkurtuar dënimi përfundimtar i shkoi në 3 vite e 4 muaj.
