Admir Murataj dhe Klement Çala ishin në kërkim ndërkombëtar nga Greqia prej vitit 2013, por kjo nuk i pengoi që pas grabitjes së blindave me para në Qafë Kashar, të riorganizoheshin sërish, për të realizuar një nga grabitjet më spektakolare mesditën e 9 prillit në aeroportin e Rinasit.
‘Vizion Plus’ ka siguruar një foto të Admir Muratajt në vilën e tij në Prezë në vitin 2017, pak ditë para grabitjes së blindave me para në Qafë Kashar, ngjarje për të cilën arriti t’i shpëtoi operacionit “patriot” ku u arrestuan bashkëpunëtorët e tij.
Edhe Klement Çala u dyshua si i perfshirë në të njëjtat grabitje asokohe, por edhe ai i shpëtoi kapjes.
Nga deklarimet e një prej të arrestuarve, Alkond Bengasit rezulton se Murataj dhe Çala jetonin normalisht pa u shqetësuar nga policia në disa prej zonave më të frekuentuara në kryeqytet, dhe jo vetem, ndonëse e shkuara e tyre kriminale i cilësonte persona të rrezikshëm./vizionplus
