Ministri i Brendshëm, Sandër Lleshaj, bën me dije se si pasojë e aksidenteve të shënuara në 7 muajt e parë të vitit 2020, kanë humbur jetën 88 persona.
Përmes një postimi në Facebook, Lleshaj njofton se deri në fund të muajit korrik janë shënuar gjithsej 635 aksidente.
Më tej, Lleshaj shprehet se në vjeshtën e vitit 2020, do të jetë gati paketa e plotë me ndryshimet ligjore për përmirësimin e Kodit Rrugor, që synon forcimin e masave.
Postimi i plotë:
2020 e shpallëm Vitin e Sigurisë Rrugore, me synimin të vijojmë uljen e kurbës së aksidenteve, me objektiv zero jetë të humbura në 2050.
Numri i jetëve të shpëtuara në këto 7 muaj është tregues sinjifikativ për punën e bërë nga institucionet dhe rritjen e përgjegjshmërisë tek drejtuesit e mjeteve dhe përdoruesit e rrugës.
Në vjeshtë 2020 do të kemi gati dhe do të prezantojmë paketën e plotë me ndryshimet ligjore për përmirësimet në Kodin Rrugor, që forcojnë masat dhe i bëjnë rrugët tona më të sigurta.
