PSG në alarm, Al Khelaifi drejt Brazilit për të takuar Neymar

Thashethemet se Neymar nuk dëshiron të vazhdojë më karrierën e tij tek PSG në kampionatin francez duket se janë të vërteta. Tashmë po aludohet se dëmtimi i yllit brazilian të mos jetë aq i rëndë sa u mendua dhe eliminimi në Champions, ka sjellë konfuzion tek drejtuesit nëse do të vazhdojnë kontratën me të apo jo.

‘Telefoot’ raporton se presidenti i PSG, Nasser Al Khelaifi do të udhëtojë drejt Brazilit gjatë ditëve të ardhshme për tu takuar me Neymar, i shoqëruar edhe nga drejtori sportive Antero Henrique. Media franceze thekson se prezenca e klubit të PSG, me përfaqësuesin më të lartë në Brazil ka një kuptim të dyfishtë. Për të mësuar në radhë të parë gjendjen e vërtetë fizike të Neymar, por gjithashtu edhe për të ditur nëse futbollisti dëshiron të qëndrojë më te Parisi, sikurse dikton kontrata e brazilianit, që skadon në vitin 2022.