Anëtari i bordit drejtues të Bindjes Demokratike, Fabian Topollaj, ka debatuar mbrëmjen e sotme në emisionin ‘Real Story’ në News 24 me gazetaren Klodiana Lala, për aktin normativ ‘anti-KÇK’. Topollaj u shpreh se ligji duket selektiv, pasi Lulzim Berishës i ka shkuar një ftesë nga policia. Ai kërkon të dijë pse një gjë e tillë nuk po ndodh edhe me “shokët” e tij. Nga ana tjetër, Klodiana Lala tha se SPAK e ka kompetencën dhe mund të vendosë sekuestro, kur pasuria është vënë në mënyrë të paligjshme.
Pjesë nga debati në studio:
Fabian Topollaj: Pse i shkoi vetëm Lulzim Berishës ftesa nga policia? Policia e Shtetit është selektive dhe ia ka dhënë mundësinë ligji që të jetë selektive. Pse policia nuk ua ka çuar edhe shokëve të Lulzimit. Ky ligj nuk ua jep mundësinë palëve të treta që të vendosin, por gjithçka e merr përsipër policia.
Klodiana Lala: Ne kemi ligjin anti-mafia. Në momentin që X person hetohet për krim të organizuar, automatikisht, SPAK nis një hetim pasuror në mënyrë të përsëritur.
Fabian Topollaj: PD bën politikë sot. Hiqja policisë autoritetin për çdo gjë, por lërua gjykatave dhe Prokuroria.
Klodiana Lala: Ndodhi grabitja në Rinas. Çfarë bëri SPAK, ishte se filloi hetimet dhe për të sekuestruar pasurinë. Është zhbërë roli i prokurorit.
