Në një kohë kur shumë shtete të botës kanë ndërmarrë masa kufizuese dhe shtrënguese për të luftuar koronavirusin, Suedia po bën komplet të kundërtën.
Suedia nuk i ka mbyllur kufijtë, shkollat, kafenetë apo bizneset, mirëpo ka zgjedhur një tjetër rrugë, atë të sensibilizimit.
Qeveria ua ka lënë vetë në dorë qytetarëve masat që duhet të ndërmarrin.
Ata janë koishientë për rrezikun që iu kanoset dhe janë të lirë të reagojnë në formën që atyre iu duket e arsyeshme për t’u mbrojtur nga COVID-19.
Thuhet se reagimi i Suedisë ndaj shpërthimit të virusit po mbikëqyret nga Agjencia e Shëndetit Publik të vendit.
Epidemiologu kryesor i Agjencisë së Shëndetit Publik ka deklaruar se megjithëse strategjia e vendit të tij për të luftuar virusin është e ndryshme nga shtetet e tjera, qëllimi është i njëjti: “Frenimi i përhapjes së koronavirusit”.
Agjencia e Shëndetit Publik e ka sqaruar popullin pse duhet distancimi social dhe deri tani kjo po funksionon në mënyrë të arsyeshme, shkruajnë mediat suedeze.
Kujtojmë se Suedia ka tre mijë e 700 raste të konfirmuara të koronavirusit dhe ka regjistruar 110 vdekje.
Jeta në Suedi, ndryshe nga shumë shtete të tjera të botës, është më se normale dhe kjo po ngjall polemika…
Pse vallë Suedia po vepron ndryshe nga e gjithë bota në këtë situatë pandemie?
