Mbajtja e mitingut elektoral nga Partia Socialiste në Shkodër në 20 qershor, bëri që qyteti të rrethohej me qindra efektivë. Duke nisur nga policia e shtetit, garda dhe repartet speciale. Kjo pasi vajtja e Kryeministrit Rama është pritur me protesta. Të cilat kanë degraduar edhe në incidente mes policisë dhe qytetarëve që protestonin. Por, ndërkohë në krahun tjetër të pedonales “Kolë Idromeno”, socialistët kishin mbledhur elektoratin e vetë. Për të cilët një punonjës i Bashkisë Shkodër thotë për Tirana Today se nuk ishin shkodranë.
“Dje në Shkodër është bërë terror nga ana e policisë. Të pranishëm kanë qenë 780 forca policie të numëruara. Ka një arsye pse Rama e shtyu takimin me një orë e 30 minuta. Pasi asnjë shkodran nuk iu bashkua mitingut të tij. Ndaj edhe njerëzit i mblodhën nga Puka dhe Vau i Dejës.”
Ditën e premte, Ademi dorëzoi në Prokurorinë e Shkodrës një kallëzim penal ndaj drejtorit të Policisë së Shkodrës, KQZ-së dhe Drejtorisë Vendore të Policisë së Shkodrës. Për shpërdorim detyre dhe mosrespektim të ligjit, duke mos zbatuar kërkesën për lirimin e KZAZ-ve, por kanë vijuar me paligjshmërinë duke dhunuar dhe duke i mbajtur ato të bllokuara.
Menjëherë pas protestës së 21 qershorit Voltana Ademi në një prononcim për Tirana Today tha se shkodranët janë terrorizuar së tepërmi nga forcat e policisë. Ndër të tjera kryebashkiakja tha se ajo do të përdorë çdo mjet për të mbrojtur Shkodrën./ TIRANA TODAY
