Gjykimi i vlefshmërisë së një vaksine ndodh në 4 faza. Në fazën e parë, vaksina i injektohet një grupi të vogël vullnetarësh, për të përcaktuar sigurinë e tij. Dhe nëse shfaq predispozitat e dëshiruara të përgjigjeve imunitare, ajo do të monitorohet për disa muaj deri në 1 vit mbi efektet anësore. Dhe pikërisht në këtë fazë janë aktualisht vaksinat kundër koronavirusit.
Faza e dytë. Një grup më i madh, zakonisht disa qindra të rritur, marrin pjesë në testim. Disa prej tyre, mund t’i përkasin grupeve që janë të rrezikuar të sëmurën më rëndë nga Covid-19. Dhe shkencëtarët do të matin reagimet e sistemit tonë imunitar, sigurinë e vaksinës, dozat e propozuara, dhe metodat e vlefshme të shpërndarjes. Kjo fazë zgjat zakonisht disa muaj, madje deri në 2 vjet.
Faza e tretë. Në këtë fazë, vaksina provohet tek dhjetëra mijëra njerëz, për të provuar për efektet anësore, që mund të mos kenë ndodhur tek mostrat më madhësi të vogla. Këtu testohet edhe efikasiteti i vaksinës, si dhe shihet nëse ajo parandalon infeksionin, dhe nëse stimulon reagimet imunitare të përshtatshme. Kjo fazë mund të zgjasë me vite.
Dhe vetëm pas kësaj, mundet që një zhvillues i vaksinës, të aplikojë për fazën e licencës. Faza e fundit, drejtohet nga zhvilluesit e vaksinave pasi të dalë produkti. Këta të fundit, kanë përgjegjësinë e monitorimit të vazhdueshëm të efikasitetit të vaksinave, dhe ta tërheqin atë nga tregu nëse nuk është më efektiv.
Apo të krijojnë versione të përditësuara të tij, për t’u përballur me mutacionet që janë të zakonshme tek vaksinat e gripit. Kështu, edhe pse mund të duket e gjatë periudha 12-18 muaj për një vaksinë ndaj koronavirusit, ajo është e paprecedentë veçanërisht duke pasur parasysh faktin, se një vaksinë me bazë ARN nuk është aprovuar kurrë më parë. Prandaj, testimi është i nevojshëm, ndërsa nxitimi mund të rezultojë fatal.
TIRANA TODAY
