Presidenti Ilir Meta, përmes një postimi në “Facebook” ka publikuar një video nga pushimet, teksa krahas saj shkruan se pas një ‘terapie me ujë bore’, i lindi një pyetje për të gjithë ata që hiqen si neutral, por që sipas tij, ia kalojnë edhe kryeministrit Rama për anshmëri.
Ndër të tjera, ai befasohet nga qëndrimi që ata mbartin lidhur me hapjen e negociatave për Shqipërinë me Bashkimin Evropian.
“Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar? Kaq të domosdoshëm e keni dështimin e çeljes së negociatave për vendin tonë në 18 tetor”, pyet Meta.
https://www.facebook.com/ilirmetazyrtar/videos/418132678797083/?t=1
Postimi i Metës
Mirëmëngjes të dashur miq!
Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?
Ju uroj një fundjavë të mbarë!
