Dy ditë më parë, kryetari i Partisë Demokratike zbuloi prapaskenat ku tha se kryeministri i ka ofruar nga ndërmjetësit e tij që Basha të bëhej kryeministër, Rama president vetëm që të pranojë heqjen e koalicioneve.
Sipas Bashës, në këmbim të kësaj oferte, Rama kërkoi që të hiqen koalicionet parazgjedhore.
“Për një muaj e gjysmë, Rama ka dërguar ndërmjetësit e tij, pothuajse çdo ditë me të njëjtin mesazh, ti kryeministër unë president vetëm të heqim koalicionet. Ramës nuk i bëhet vonë për njerëzit. Për këtë besoj nuk ka nevojë të zgjatem, sepse është në fund në ikje dhe bëmat e gjëmat e tij i njeh çdo kush. Rama merakoset vetëm për pushtetin e tij”, tha Basha.
Në lidhje me këtë çështje ka reaguar Nard Ndoka. Duke iu referuar dëshirës së fshehtë të kryeministrit për tu bërë president, ai ka përcjellë një ‘ofertë’ joshëse Ramës.
