Një konflikt mes fqinjësh është regjistruar ditën e sotme në Patos, teksa një prej tyre ka mbetur i plagosur.
Sipas BalkanWeb, personat e përfshirë në sherr Alionid Sali dhe Përparim Sehati ishin fqinj por familjet e tyre nuk flisnin dhe ishin në sherr.
Mësohet se sherri ka nisur kur njëri prej tyre i është drejtuar tjetrit “pse më sheh ashtu?”. Konkretisht ka qenë 31-vjeçari Sali që ka nxjerrë thikën dhe ka plagosur Seatin.
Ky i fundit u dërgua menjëherë në sallën e operacionit, teksa mësohet se është nën kujdesin e mjekëve.
Alionid Sali u arrestua 6 orë më vonë në një fshat të Mallakastrës, pasi ishte larguar nga vendngjarja.
