Ndonëse kanë kaluar 3 vite nga “Big Brother 9”, Olsi dhe Fiorentina ende mbahen mend si një nga çiftet më të pëlqyer nga publiku. Ata janë përballur sot tek “E diell”, për të sqaruar çfarë ndodhi mes tyre.
Fiorentina e akuzoi Olsin se e ka tradhtuar, ndërsa Olsi tha se krisja erdhi pasi Fiorentina ishte shumë xheloze.
Fiorentina: Pse më ke gënjyer?
Olsi: S’të kam gënjyer.
Fiorentina: Më ke gënjyer, sepse ti ke thënë që s’do ndahemi kurrë dhe mes ne të dyve nuk do të ketë një të tretë. Dhe nuk e mbajte fjalën.
Olsi: Jetojmë në një vend që çfarë s’po shohim, po ndahet burri me gruan. Burri po martohet, gruaja po martohet. Nuk i thotë gruaja gjithmonë burrit ‘Të dua, të dua, të dua’. Edhe ti më ke kërkuar të të them të dua.
Fiorentina: Jo, nuk e kam thënë.
Olsi: Unë do doja të më thoje ‘ik, dil bëj çfarë të duash’.
Fiorentina: Kur më doje aq fort, pse më ke tradhtuar?
Olsi: Ku di gjë unë, kam qenë i vogël, jam 30 vjeç tani.
Ervin Kurti: Do e mendoje një rikthim me Fiorin, nëse do ishte më pak xheloze?
Olsi: Jo. E ka të lindur xhelozinë. Ajo bëhej xheloze edhe për kamarieren.
Ervin Kurti: E harruat njëri-tjetrin?
Fiorentina: Na ka ngelur respekti për njëri-tjetrin.
Ervin Kurti: Do riktheheni më bashkë apo jo?
Olsi: Po bëra dasmë do ta ftoj, po bëri dasmë ajo, po më ftoi, do t’i shkoj.
